اسلام آباد۔ 8 فروری(اے پی پی) وزیراعظم عمران خان وئيلي دي د حكومت تر ټولو لومړۍ ترجيح د عام اولس ګټه ده۔ د سختو معاشي حالاتو د لاسه بې وزله اولس زيات ځپلې شي۔ دوئي ته هر ممكن ريليف وركول د حكومت لومړۍ ترجيح ده۔ د دې خيالاتو څرګندونه هغه خپله مشرۍ كښې د حكومت د معاشي ډلې غونډې ته خطاب كښې وكړه۔ غونډه كښې د بنيادي ضرورت څيزونو بيعو كښې كمي راوستلو حوالې سره په ممكنه ګامونو غور وكړے شو۔ غونډه كښې وفاقي وزيرانو ډاكټر عبد الحفيظ شېخ ٬ اسد عمر ٬ مخدوم خسرو بختيار ٬ خصوصي مرستيالانو عبدالرزاق داؤد، ډاکټر عشرت حسین، ګورنر سټیټ بنک ډاکټر رضا باقر،معاونین خصوصی ډاکټر وقار مسعود، ندیم بابر، تابش ګوہر او مشران چارواكو ګډون كولو۔ غونډه كښې د احساس پروګرام د سېوري لاندې مستحقو كورنيو ته د ټارګټډ سبسډي وركولو حوالې سره په بېلو وړاندېزونو غور وكړے شو۔ وزیرِاعظم عمران خان غونډې ته خطاب كښې ووئيل د موجوده حكومت لومړۍ ترجيح د عام اولس ګټه ده۔ د سختو معاشي حالاتو د لاسه بې وزله اولس زيات ځپلې شي۔ دوئي ته هر ممكن ريليف وركول د حكومت لومړۍ ترجيح ده۔ د بالواسطه ټېكسونو بوج د لاسه بې وزله وګړي زيات ځپلې شي ځكه د دې كمولو ته دې خاص پاملرنه وكړې شي۔ وزیر اعظم معاشی ډلې ته هدايت وكړو چې د خوراك څښاك په درآمد شوي څيزونو لګولې شوي ټېكسونو كښې د كمي په اړه دې هم وړاندېزونو وركړې شي دغسې چې اولس ته او په خاص توګه بې وزله وګړو او منځومانې طبقې ته ريليف وركړے شي
بې وزله اولس ته ريليف وركول د حكومت اولنۍ ترجيح ده۔ د بالواسطه ټېكسونو بوج كمولو ته دې خاص پاملرنه وكړې شي۔ د وزير اعظم د معاشي ډلې غونډې ته خطاب
مضمون کا ماخذ : میگا مولا۔
متعلقہ مضامین
