لاهور 16 نومبر (اے پي پي) صدر ډاكټر عارف علوي د كورونا زياتېدونكو كېسونو په تناظر كښې په اولس يو ځل بيا زور راوړے چې هغه د دې وباﺀ څخه ځان ساتلو لپاره په ضابطه كار عملدرآمد باوري كړي، د حضور اكرم ۖ اسوه حسنه او سيرت طيبه مونږ لپاره د لارې مشال دے، وزيراعظم عمران خان هېواد د مدينې رياست جوړول غواړي، مونږ لهه به د ده ملګرتيا كول وي، ناموس رسالت ته زيان په يو صورت هم نشو زغملے، غربي هېوادونه د ناموس رسالت په معامله د خپلو جذباتو نه خبرول ضروري دي. ده دا خبرې د ګل په ورځ رحمت اللعالمين كانفرنس ته د وېنا كولو په مهال وكړې. صدر مملكت ووئيل د كورونا وائرس دوهمه چپه په تندې سره روانه ده، اولس دې په اېس او پيز عمل باور كړي ، سماجي فاصله دې وساتلے شيٍ۔ ده ووئېل د كورونا څخه د بچ كېدو اېس او پيز په عملي كولو كښې ستاسو او ستاسو د خپلوانو ښېګړه ده. ده ووئيل مونږ ته د كورونا وباﺀ مقابلې لپاره د ډسپلن ضرورت دے، كوم قومونه چې د ډسپلن څرګندونه كوي، الله تعالٰي هم د هغوي ملګرتيا كوي۔ده ووئېل مونږ چې كله د كورونا په وړومبې چپه كښې د ډسپلن څرګندونه وكړه نو د كورونا په ضد جنګ مو تر كافي حده وګټلو او د دې نه پس مونږ په احتياط كولو كښې سستي شروع كړه، اوس يو ځل بيا د كورونا كېسونه په تندې سره مخ په زياتېدو دي. ده ووئيل په ډسپلن قومونه خوشحالېږي او پرمختګ كوي، مسلمانانو ته په اسلامي تعليمات كښې د ډسپلن عملي كولو حكم شوے. ده ووئيل د رسول كريم ۖ اسوه حسنه مونږ لپاره د لارښونې اصول دي ، د حضور اكرم ۖ اسوه حسنه او سيرت طيبه مونږ لپاره د لار مشال دے. ده ووئيل حضور اكرم ۖ په خپل ژوند كښې د انصاف پياوړي مثالونه قائم كړي، د اسلام په پېغام كښې د سماجي رويو په اړه واضح احكامات موجود دي. بايد مونږ د سماجي رويو په اړه د حضور اكرم ۖ سيرت طيبه عملي كړو.ده ووئېل حضور اكرم ۖ ارشار فرمائيلے ” خپل غږ ټيټ وساتئ، نظر ښكته ساتئ، په بازار كښې داسې تېر شئ چې نورو ته تكليف ونه رسي”. حضور اكرم ۖ په ټولنه كښې د عفو و درګزر درس وركړے، رسول كريم ۖ 1400 كاله وړاندې مېرمنو ته د وراثت وركولو وئيلي دي، په قرآن پاك كښې د طهارت، شجركارې او د اوبو د استعمال په اړه واضح هدايات شته ، پنځه وخته مونځ لپاره اودس سره د ډېرو ناروغيو څخه بچ خلق بچ كېدے شي. صدر ډاكټر عارف علوي ووئيل حضور پاك ۖ د مدينې په رياست كښې د بې وزلو مرسته كوونكے ؤ ، وزيراعظم عمران خان هېواد د مدينې رياست جوړول غواړي، مونږ له د ده ملګرتيا كول وي. د احساس پروګرام د لارې د غريبانو د مرستې هڅه شوې راو غريبانو ته د انصاف وركولو هڅې هم روانې دي۔ده ووئېل مونږ ته په خپلو رويو كښې نورو سره د حسن سلوك اختيارولو ضرورت دے او هم دا د مدينې رياست دے. ده ووئيل ناموس رسالت ته زيان به په يو صورت هم ونه زغملے شي ، په دې معامله سخت احتجاج كوو، وزيراعظم عمران خان د ناموس رسالت معامله په نړيواله كچه پورته كړې او په خپل هېواد كښې اړي ګړي سره خپل هېواد ته زيان رسيږي ۔ده ووئېل غربي هېوادونه د ناموس رسالت په معامله د خپلو جذباتو نه خبرول ضروري دي. صدر ووئيل د نړۍ مقابله كولو لپاره به مونږ ته خپل معيشت ښه كول وي. صدر ووئيل بايد مياندې په ماشومانو كښې د غذائي كمي ختمولو لپاره خپلو بچو ته تر دوو كلونو خپل پئې وركړي
د صدر ډاكټر عارف علوي رحمت اللعالمين كانفرنس ته وېنا
مضمون کا ماخذ : نقدی پھٹنا
متعلقہ مضامین
