بخارسټ 10 جنوري (اے پي پي) خارجه وزير مخدوم شاه محمود قريشي وئيلي دي چې پاكستان رومانيه سره په پراخا بنيادونو نتيجه وركوونكې اړيكې جوړول غواړي. ده دا خبرې د ګل په ورځ په بخارسټ كښې د رومانيه وزيراعظم نكولائي چيوكا سره د ملاقات په مهال وكړې. د رومانيه د وزيراعظم چيف آف پروټوكول د خارجه وزير هركلې وكړو. خارجه وزير د رومانيه وزيراعظم ته د وزيراعظم عمران خان او پاكستاني مشرتابه لخوا د نېكو هيلو پېغام ورسولو. د ملاقات په مهال خارجه وزير مخدوم شاه محمود قريشي د دواړو هېوادونو ترمېنځه په تاريخي او ښه اړيكو رڼا واچوله. خارجه وزير ووئيل چې پاكستان رومانيه سره په پراخا بنيادونو نتيجه وركوونكې اړيكې جوړول غواړي. ده ووئيلچې د دواړو هېوادونو ترمېنځه په بېلا بېلو څانګو كښې په دوه اړخيزه څانګو كښې بهتري د دواړو هېوادونو د مشرانو د وژن څرګندونه ده. خارجه وزير د كورونا وبا مخ نيوي لپاره د رومانيه د اقداماتو ستائنه وكړه او پاكستاني اولس لپاره ئې د رومانيه د حكومت لخوا د واكسين د 500,000 خوراكونو په ډالې د وزيراعظم نكولائي چيوكا مننه وكړه. د رومانيه وزيراعظم د افغانستان په تناظر كښې د پاكستان د كردار او د رومانيه د وګړو په ويستلو كښې د اسلام آباد لخوا د شوې مرستې ستائنه وكړه. د ملاقات په مهال په مهمو سيمه ايزو او نړيوالو چارو هم خبرې وشوې. خارجه وزير په مقبوضه كشمير كښې د صورتحال سنګيني او د افغانستان په تناظر كښې د پاكستان مثبت كردار په ډاګه كړو. خارجه وزير په اروپائي اېتلاف كښې پاكستان لپاره د جي اېس پي پلس په اړه د رومانيه ستائنه وكړه. د رومانيه وزيراعظم د خارجه وزير د دورې هركلې كولو سره د نېكو هيلو په څرګندونه د وزيراعظم عمران خان مننه وكړه.
پاكستان رومانيه سره په پراخا بنيادونو نتيجه وركوونكې اړيكې جوړول غواړي. د خارجه وزير مخدوم شاه محمود قريشي د رومانيه وزيراعظم سره په ملاقات كښې خبرې
مضمون کا ماخذ : raspadinha آن لائن مفت
متعلقہ مضامین
.jpg)