اسلام آباد 13 فروري (اے پي پي) قامي اسمبلۍ د كرونا وائرس مخ نيوي لپاره د چين حكومت او اولس سره د يو والي څرګندونې له قرارداد منظور كړې۔د زيارت په ورځ قامي اسمبلۍ كښې د مسلم ليګ(ن)پارليماني لارښود خواجه آصف په دې حقله د تحريك وړاندې كولو اجازه وغوښته۔د سپيكر په اجازه ترلاسه كېدو خواجه آصف قرارداد وړاندې كړو۔په قرارداد كښې د وائرس مخ نيوي لپاره د اولس مشر شي جن پنګ كاركردګي ستائېلې شوې دغسې په قرارداد كښې وئېلي شوي دا ايوان د كرونا وائرس مخ نيوي په تناظر كښې د ورور هېواد چين اولس او حكومت د عزم او هڅو بشپړ ملاتړ كوي او د هغوي سره د يو والي څرګندونه كوي۔ده ووئيل نه يوازې د چينائي وګړو بلكې د پاكستانو زده كوونكو لپاره هم هغوي اقدامات كړي كوم چې د ستائنې وړ دي۔په قرارداد كښې وئېلي شوي پاكستان په دې سخت وخت كښې د چين سره ولاړ دے او د چين د هڅو بشپړ ملاتړ او مرسته كوي
قامي اسمبلۍ د كرونا وائرس مخ نيوي لپاره د چين حكومت او اولس سره د يو والي څرګندونې له قرارداد منظور كړو
مضمون کا ماخذ : نتیجہ یہ ہے کہ
متعلقہ مضامین
