د پاکستان او ترکيه ترمېنځه اړيكې او همكاري جارحيت له نه دفاع لپاره ده ، د وزيراعظم محمد شهباز شريف د استنبول په شپ يارډ پاك بحريه لپاره څلورم ملجم کاروېټ بېړيو كښې د درېمې بېړۍ پي اېن اېس خېبر د پرانستې دستورې ته وېنا

APP46-251122 ISTANBUL: November 25 – Prime Minister Muhammad Shehbaz Sharif addresses the launching ceremony of PNS Khyber, the third of the four MILGEM Corvette ships. APP

استنبول 25 نومبر (اے پي پي) وزيراعظم محمد شهباز شريف وئيلي دي پاکستان او ترکيه امن او استحکام لپاره شريكې اړيكې او مرسته لا قوي كوي، د پاکستان او ترکيه ترمېنځه اړيكې او همكاري جارحيت له نه دفاع لپاره ده ، پاکستان او د ترکيه اړيكې د ځانګړي نوعيت دي كومې چې څوك كمزورې كولې نشي، دواړه وروڼه هېوادونه په ګډه پرمختګ او د سوكالۍ منزل پلو تللے شي، پاکستان او ترکيه په ګډه ماحول دوست اقدامات او د مضر ګازونو اخراج كښې كمے كولې شي ، دغسې د سيلۍ، نمر او اوبو څخه د توان پېداوار ، تجارت او د سرمايه کارۍ پشمول نورو څانګو كښې اړيكې لا مستحكم كولې شي۔ وزيراعظم د دې خيالاتو څرګندونه د جمعې په ورځ په استنبول شپ يارډ پاك بحريه لپاره څلورم ملجم کاروېټ بېړيو كښې د درېم پي اېن اېس خېبر شاملو د پرانستې دستورې ته خپلې وېنا كښې وكړه۔ وزيراعظم ووئيل نننۍ دستورې راته د كال 1920 حالات راياد كړل كله چې زمونږ د تركيه وروڼو خوېندو د آزادۍ جنګ كولو او په نيمه وچه كښې مسلمانانو د تركيه خپلو وروڼو لپاره د آزادۍ په دې عظيمو هلو ځلو كښې تحريك خلافت پېل كولو٬ ده ووئېل د نيمې وچې مېندو خپل مړوندونه خالي كړې وو ٬ دكاندرانو٬ كروندګرو او زده كوٶنكو په چنده كولو د تركيه خپلو وروڼو سره عظيم جنګ لپاره مرسته كوله، ده ووئېل زمونږ مشران پوهه وٶ چې څه دوي كوي ترك قام به دا نه هېروي بلكې ترکيه به پاکستان سره په هر سخت وخت كښې مرسته كوي۔ وزيراعظم ووئيل تركيه په سېلاب٬زلزله او د هر آفت په وخت پاكستان سره ولاړ پاتې دے،د برصغير مسلمانانو د تركيه اولس لپاره چې څه كړي ھغه نن د تركيه په سكولونو٬ پوهنتونونو او پوهنځايو كښې د نصاب برخه دي۔ وزيراعظم محمد شهباز شريف په دې موقع ووئيل د پاکستان او ترکيه ترمېنځه ژورې تاريخي اړيكې د وخت تېرېدو سره لا مضبوطېږي٬ دواړو هېوادونو په ګډه د پرمختګ سفر جاري ساتلے۔ وزيراعظم محمد شهباز شريف د صدر رجب طيب اردوان په بلنه د تركيه په دوه ورځنۍ دوره تللے٬ په استنبول شپ يارډ كښې د پي اېن اېس خېبر لانچنګ دستوره كښې وفاقي وزيران مريم اورنګزېب، سيد نويد قمر او اسرار ترين هم موجود وو۔ په دې موقع د دواړو هېوادونو قامي سردودونه وغږولے شول او شپ يارډ ته په رسېدو وزيراعظم محمد شهباز شريف ته ګارډ آف آنر وړاندې كړے شو۔ وزيراعظم محمد شهباز شريف دستورې ته خپلې وېنا كښې ووئيل د دوېم كور تركيه په دوېم ځل دوره كولو خوشحاله شوے يم، نننۍ ورځ د دواړو هېوادونو ترمېنځه د تاريخي اړيكو يو عظيمه ورځ ده٬ دواړو هېوادونو په هره سخته كښې د يو بل ملګرتيا كړې٬ ترکيه په هر نړيوال فورم د پاكستان ملګريتا كړې۔ ده ووئيل صدر رجب طيب اردوان يو دور اندېش لارښود دے، د دوي په مشرۍ كښې تركيه جديد فلاحي رياست جوړ شوے۔ وزيراعظم ووئيل كه د امن سره اوسېدل غواړې نو بيا هم جنګ لپاره به ځان چمتو ساتل وي، نن نړۍ يو شمېر شخړو سره مخ ده٬ ده ووئيل د روسيه او يوكرائن ترمېنځه د غنمو د برآمد په لوظنامه كښې تركيه مهم كردار لوبولے۔ ده ووئيل د ګردې نړۍ غونډې پاكستان هم د توان كمي سره مخ دے٬ پاکستان د تجديد ور توان او د توان ارزانو ذريعو لپاره اقدامات كوي۔ ده د تركيه سرمايه كارو له پاكستان كښې د سرمايه كارۍ بلنه وركړه۔ ده ووئيل پاكستان او تركيه له د تجديد وړ توان ذريعو ترلاسه كولو لپاره په ګډه كار كول پكار دي ٬ دواړو هېوادونه په آلودګۍ كښې كمي لپاره هم په ګډه كار كولې شي۔ وزيراعظم ووئيل پاکستان په دې وروستيو كښې سخت سېلاب سره مخ ٶ، ترکيه د پاکستان بشپړه مرسته كړې، ترکيه څخه 15 الوتكې د سامان رارسېدلې ٬ په ماضي كښې هم په هر سخت وخت كښې تركيه د پاكستان مرسته كړې، وزيراعظم شهباز شريف ووئېل پاکستان او تركيه به په ګډه د پرمختګ سفر دوامداره ساتي۔ په دې مهال وزيراعظم د بېړۍ په جوړولو كښې برخه اخستونكو ته هم پېزوئنې وړاندې كړې۔ وزيراعظم ووئيل پاکستان او ترکيه دواړه عظيم هېوادونه دي٬ز مونږ زړونه د يو بل لپاره درزېږي، د تجارت او سرمايه كارۍ په څانګو كښې پراخه د كار استعداد لرو ۔ وزيراعظم ووئيل په كال 2010 كښې چې كله په پنجاب كښې سېلاب راغلے ٶ نو رجب طيب اردوان٬ د دوي كورودانې د پخواني وزيراعظم يوسف رضا ګېلاني سره د پاكستان سېلاب ځپليو سيمو دوره كړې وه ٬ يوازې د تركيه حكومت نه بلكې د استنبول انقراه وګړو چنده جمع كړې وه ٬ د تركيه وړومبۍ مېرمن د خپل امېل ډالۍ وركړې وه كومه چې د ورورلۍ څرګندونه ده۔ وزيراعظم ووئيل د پاکستان او ترکيه اړيكې د ځانګړي نوعيت دي كومې چې څوك نشي كمزورې كولې٬ داوړه وروڼه هېوادونه په ګډه د پرمختګ او سوكالۍ منزل پلو تللے شي۔ د دې نه وړاندې د تركيه صدر او د استنبول ګورنر شپ يارډ ته په رسېدو د وزيراعظم هركلے وكړو او وزيراعظم ته ګارډ آف آنر وړاندې كړے شو٬ صدر رجب طيب اردوان وزيراعظم ته د دستورې بېج ولګولو او وزيراعظم سره ئې د تركيه چارواكي معرفي كړل۔ دغسې د ستورې په پېل كښې د دواړو هېوادونو قامي سرودونه وغږول شول۔ د يادونې وړ ده د دواړو هېوادونو ترمېنځه په مشتركه مرستې اډانه ملجم منصوبه د پاکستان-ترکيه په ستراتېژك پارټنرشپ كښې د سنګ ميل حېثيت لري٬ د دې نه وړاندې پاك بحريه لپاره د وړومبني کاروېټ پي اېن اېس بابر لانچنګ دستوره په اګست كال 2021 كښې په استنبول كښې شوې وه او د دوېمې بېړۍ پي اېن اېس بدر سنګ بنياد په مئي كال 2022 كښې په كراچۍ كښې اېښودے شوے

مضمون کا ماخذ : خوش قسمت لڑکی