اسلام آباد 04 جنوري (اے پي پي) وزيراعظم عمران خان وئيلي دي چې د راتلونكو نسلونو په خاطر به مونږ ته خپل ماحول بچ كول او د ګلوبل وارمنګ مخ نيوې كول وي، په نړۍ كښې اوس د موسمياتي بدلون د آغېز مخ نيوي په اړه احساس پېدا كېږي، زمونږ حكومت د ځنګلاتو لګولو كمپائن پېل كړے او 15 نوي نېشنل پاركس ډيكليئر كړې شوي دي. د ښارونو نوي ماسټر پلان جوړولې شي، د نړيوال بانك او د موسمياتي بدلون وزارت ترمېنځه شركت خوشبينه دے. ده دا خبرې د نهې په ورځ د موسمياتي بدلون وزارت او نړيوال بانك ترمېنځه په شريك بيان د لاسليك دستورې ته په خپله وېنا كښې وزيراعظم عمران خان د نړيوال بانك مننه كولو سره ووئيل چې نړيوال بانك مهم اهداف ترلاسه كولو لپاره د پاكستان حكومت سره مرسته كړې. ده ووئيل چې پاكستان په هغو 10 هېوادونو كښې شامل دے كوم چې د ماحولياتي بدلون له امله سخت ځپلي شوي دي خو په ماحول خرابولو كښې زمونږ برخه تر ټولو كمه ده. وزيراعظم ووئيل چې د راتلونكو نسلونو په خاطر به مونږ ته خپل ماحول بچ كول او د ګلوبل وارمنګ مخ نيوې كول وي. وزيراعظم ووئيل چې په نړۍ كښې بارانونه مخ په كمېدو دي او تودوخه زياتېږي. ده ووئيل چې په نړۍ كښې اوس د موسمياتي بدلون د آغېز مخ نيوي په اړه احساس پېدا كېږي. وزيراعظم ووئيل چې په سائبېريا د تودوخې درجه مخ په زياتېدو ده، په كېليفورنيا او آسټراليا كښې په ځنګلاتو اور لګي، د نړۍ يو شمېر هېوادونه د دې صورتحال له امله ځپلي شوي دي، كه نړۍ اختياط ونه كړو نو فوډ سېكورټي او كلچر به هم آغېز من شي. وزيراعظم ووئيل چې پاكستان هم د موسمياتي بدلون له امله اغېزمن كېږي، زمونږ ګلېشيئر وېلې كېږي او په ښارونو كښې د ماحولياتو ستونزې پېدا كېږي. وزيراعظم ووئيل مونږ چې كوم اقدامات كوو، راتلونكو نسلونو لپاره دا ضروري دي، 10 اربه ونې كرل زمونږ ډېره مهمه پروژه ده. په كومو سيمو كښې چې ځنګلات وو ، هغه ختم شوي دي. ده ووئيل چې زمونږ حكومت د ځنګلاتو لګولو كمپائن پېل كړے او 15 نوي نېشنل پاركس ډيكليئر كړې شوي دي. د ښارونو نوي ماسټر پلان جوړولې شي، د نړيوال بانك او د موسمياتي بدلون وزارت ترمېنځه شركت خوشبينه دے. دستورې ته د وزيراعظم د موسمياتي بدلون سلاكار ملك امين اسلم هم وېنا وكړه او پروژې لپاره ئې د نړيوال بانك په مرسته كولو مننه وكړه
د راتلونكو نسلونو په خاطر به مونږ ته خپل ماحول بچ كول او د ګلوبل وارمنګ مخ نيوې كول وي. د وزيراعظم عمران خان د موسمياتي بدلون وزارت او د نړيوال بانك ترمېنځه په شريك بيان د لاسليك دستورې ته وېنا
مضمون کا ماخذ : como apostar na loteria
متعلقہ مضامین
