اسلام آباد 07 جون (اے پي پي)وزيراعظم عمران خان وئېلي دي هېواد د پوليو څخه په بشپړه توګه پاكول زمونږ مشن دے٬د وفاقي او صوبائي حكومتونو د كوټلو او شريكو هڅو د لارې پاكستان د پوليو څخه پاكېدے شي٬د كورونا وبا د مخ نيوي غوندې جزبې سره پوليو ته هم ماتې وركړې كېدې شي٬ده دا خبرې د ګل په ورځ د پوليو د مخ نيوي قامي ټاسك فورس د غونډې مشرۍ كولو په مهال وكړې۔په غونډه كښې د خېبرپښتونخوا ګورنر شاه فرمان٬اعلٰی وزيرانو سردار عثمان بزدار٬سيد مراد علي شاه٬محمود خان٬محمد خالد خورشيد٬خاص مرستيالانو ډاكټرفيصل سلطان٬ډاكټر شهباز ګل٬انجينئر انچيف پاكستان آرمي لېفټيننټ جنرل معظم اعجاز چيف سېكرټريز ٬د روغتيا وزارت او د نړيوالو ادارو استازو ګډون وكړو۔غونډې ته ووئيل شول د وفاقي او صوبائي حكومتونو د موثره حكمت عملۍ په نتيجه كښې تراوسه سږ كال په هېواد كښې د بلوچستان څخه يوازې د پوليو يو كيس رپورټ شوے٬د كورونا وباﺀ له امله د پوليو د مخ نيوي كمپائن آغېز مند شوے٬غونډې ته ووئيل شول د پنجاب٬سندھ او خېبرپښتونخوا په يو شمېر ضلعو كښې اوس هم د پوليو وائرس د موجودګۍ شواهد ترلاسه شوي۔د امنيت او د والدينو د مرستې نه كولو په سبب هر كمپائن كښې په لويه شمېره ماشومان د پوليو د څاڅكو څخه محروم پاتې كېږي٬غونډې ته ووئيل شول د انفارمېشن ټېكنالوجۍ وكاروئ چې پكښې جغرافيائي انفارمېشن سسټم او ټريكننګ شامل وي۔د بل اينډ ملينډا ګيټس فاؤنډېشن د پوليو د څارنې بورډ صدر ډاكټر كريس اېليس پاكستاني حكومت او وزيراعظم ته د پوليو د مخ نيوي په كمپائن كښې په مهمه كاميابۍ پېرزوئنې وړاندې كړې ۔په غونډه كښې اعلٰی وزيرانو په خپلو صوبو كښې د پوليو د مخ نيوي په اقدامات خبرې وكړې٬وزيراعظم عمران خان صوبائي حكومتونو او د پوليو د مخ نيوي په كمپائن كښې ټولو شراكتدارو ته خاص مباركي وركړه۔وزيراعظم ووئيل په هېواد كښې د يو كيس رپورټ كېدل مهمه كاميابي ده خو زمونږ مشن پاكستان د پوليو څخه یاكول دي ۔وزيراعظم ووئيل د كورونا وبا په مهال زمونږ حكومت د انساني ژوند تحفظ سره سره معاشي استحكام هم برقرار ساتلے او هم په دې جزبه مونږ له پوليو ته هم ماتې وركول دي۔وزيراعظم د ټولو شراكتدارو د پاكستان په تكنيكي او مالي مرسته كولو مننه وكړه۔ په دې مهال وزيراعظم ماشومانو ته د پوليو څاڅكو په وركولو د پوليو د كمپائن پرانسته هم وكړه۔
هېواد د پوليو څخه په بشپره توګه پاكول زمونږ مشن دے٬د وفاقي او صوبائي حكومتونو د كوټلو او شريكو هڅو د لارې پاكستان د پوليو څخه پاكېدے شي۔د وزيراعظم عمران خان د پوليو د مخ نيوي قامي ټاسك فورس غونډه كښې څرګندونې
مضمون کا ماخذ : پیش گوئی اور حکمت عملی
متعلقہ مضامین
