لاہور۔20اکتوبر(اے پی پی) وزیر اطلاعات پنجاب عظمی بخاری آکھیے جو آئی??ی ترمیم تے تحریک انصاف نال ڳالھ کرݨ ویل??ے دا ضیان اے ، پارلیمنٹ دے علاوہ کہیں کوں آئین دی من پسند تشریح کرݨ دا اختیار کائنی ۔آپݨے ھک بیان اچ انھاں آکھیے پارلیمنٹ دے بݨائے آئین اتےقوانین تے ہی ملک دے انتظامی و ریاستی معاملات چلدن ، پارلیمنٹ دے علاوہ کہیں ٻعے ادارے کوں آئین دی من پسند تشریح کرݨ دا اختیار کائنی ، انھاں آکھیے عدالت?? اصلاحات موجودہ دور اچ ٻہوں ضروری تھی چکن ، آئینی عدالت دا قیام میثاق جمہوریت موجب عمل اچ گھن آیا ویندا پئے ، سابق وزیر اعظم محمد نواز شریف تے سابق وزیر اعظم بے نظیر بھٹوشہید جیڑھا میثاق جمہوریت کیتا آئی??ی ترمیم ایں دے تحت تھیندی پئی اے ۔ عظمی بخاری آکھیے اڈیالہ جیل اچ پی ٹی آئی دا وفد آئی??ی ترمیم تے ڳالھ کرݨ ڳیا تاں مہاتما 45 منٹ اپݨے روݨے روندا رہیا ،کل تئ??ں جیڑھے ݙوجھیں دے اے سی لہاوݨ دیاں تڑیاں ݙیندا ہئی اڄ آپݨا ٹی وی بند تھیوݨ دے شکوے کریندا پئے، بانی پی ٹی آئی آئی??ی ترمیم دے بدلے این آر او حاصل کرݨ چاہندن جیڑھا انھاں کوں ملݨا کائنی ھک سال جیل اچ رہݨ دے بعد وی انھاں دا مائنڈ سیٹ انتشاری ٹولے دے سرغنہ آلا اے۔ انہاں آکھیے جنہاں لوٹیں توں بانی پی ٹی آئی وزیراعظم بݨے انھاں کوں ہݨ غدار اکھیندے شرم آوݨی چاہیدی اے ،جیل اچ کوکونٹ اتے چقندر دا جوس پیوݨ نال انقلاب نی آندے ۔صوبائی وزیر اطلاعات آکھیے تحریک انصاف دے ارکان بانی پی ٹی آئی دی ریاست مخالف سرگرمیاں توں وی تنگ آچکن ،بانی پی ٹی آئی چاہندن جو ملک اچ ھک واری ول 9مئی تھیوے جیڑھا ہݨ تھیوݨ نہ ݙیسوں ۔ عظمی بخاری مزید آکھیے سپریم کورٹ دا اختیار صرف فیصلے یا وضاحتاں جاری کرݨ کائنی ، آئی??ی ترمیم تے اتفاق رائے چنڳی ڳالھ اے لیکن تحریک انصاف نال ڳالھ کرݨ ویل??ے دا ضیان اے۔
