اسلام آباد 12اکتوبر (اے پی پی)د اطلاعات او خپرونو وفاقي وزير چوهدري فواد حسېن وئېلي دي د وزيراعظم دفتر به كوم هم داسې ګام پورته نه كړي چې ورسره د پاك پوځ او سپه سالار په عزت كښې كمے راشي او نه به عسكري مشرتابه داسې وكړي چې ورسره جمهوري نظام ته زيان ورسي۔د ډي جي آئي اېس آئي ټاكنې لپاره به آئيني طريقه كار اختيارولې شي٬د پاكستان عسكري او سياسي قيادت ترمينځه نزدې رابطه او تعلق شته ٬د ډي جي آئي اېس آئي د ټاكنې اختيار د وزيراعظم سره دے ٬زمونږ خواهش دے چې په بلوچستان كښې سياسي استحكام وي بايد معاملې د سياسي او آئيني طريقه كار له مخې مخ په وړاندې بوتللې شي٬زمونږ تر ټولو لوي چېلنج فيك نيوز د اصل خبر نه بېلول او معلومول دي۔مېډيا ته هم خواست دے چې دوي په سوشل مېډيا د راتلونكو خبرونو تصديق لازمي وكړي۔وفاقي كابينې د حضور اكرم(ص)اسوه حسنه او تعليمات څرګندولو لپاره د رحمت اللعالمين(ص)اتهارټۍ جوړولو منظوري وركړې٬نبي كريم(ص)سره مينه د هر مسلمان د ايمان برخه ده٬په اسلام آباد پوليس كښې د ګڼې ګوڼې مقابلې لپاره نوې يونټ جوړولې شي۔كابينې د سي پېك په پروژو كار كوونكو غېر ملكيانو ته د آن لائن ويزې آسانې وركولو پريكړه كړې۔كابينې د ټو ايئر ويز او د ايئر سيال د لائسنس د تجديد منظوري هم وركړې دغسې افغان تاجران د پاكستان په تجارتي ويزه فهرست كښې د شاملولو پريكړه شوې۔د كابينې په غونډه كښې د ډاكټر عبدالقدير خان لپاره فاتحه خواني شوې٬د ډاكټر عبدالقدير خان د جنازې مونځ كښې د حكومت اعلٰی شخصيات ٬وزيرانو او سروسز چيفس ګډون كړے۔ده دا خبرې د نهې په ورځ د وفاقي كابينې د غونډې نه پس مېډيا ته د بريفنګ وركولو په مهال وكړې۔د اطلاعات وفاقي وزير ووئيل وفاقي كابينې د رحمت اللعالمين(ص)اتهارټۍ جوړولو منظوري وركړې۔په دې اتهارټۍ كښې به په نړيواله كچه نامتو مسلمانان اسكالران شامل وي۔اتهارټي به د سيرت النبي(ص)په بېلو اړخونو تحقيق كوي۔اتهارټي به د ماشومانو تربيې لپاره د سيرت النبي(ص )تعليماتو تر مخه نصاب تجويز كوي۔اتهارټي به په نړۍ كښې د اسلام اصل تشخص په ډاګه كولو لپاره اقدامات كوي۔اتهارټي به په ټولنه كښې د زياتېدونكو جنسي جرائمو مخ نيوي ٬ د اعتدال رجحان زياتولو لپاره كار كوي۔د اطلاعات وفاقي وزير ووئيل د اتهارټۍ جوړولو بنيادي مقصد د نبي كريم (ص)اسوه حسنه او تعليمات ته وده وركول دي۔په پاكستان كښې هر يو كس د نبي كريم(ص)سره مينه لري٬نبي كري(ص)ټولې نړۍ لپاره رحمت اللعالمين دے۔وفاقي كابينې په دې اقدام د وزيراعظم ستائنه كړې او هغه ته ېي پیرزوئنې وړاندې كړي۔د كابينې ټولو غړو د دې عظيم مقصد ودې لپاره په بشپړه توګه د برخې اخستلو عزم څرګند كړے ۔د اطلاعات وفاقي وزير ووئيل د كابينې غونډې په پېل كښې د ډاكټر عبدالقدير خان لپاره فاتحه خواني شوې٬د ډاكټر عبدالقدير خان د جنازې په مونځ كښې د حكومت اعلٰی شخصيات٬وزيرانو او سروسز چيفس ګډون كړے۔په جنازه كښې د وزيراعظم په هدايت د 15 نه زياتو وزيرانو٬د سېنېټ چيئرمېن٬سپيكر جوائنټ چيفس آف سټاف او د پاك بحريه مشر هم ګډون كړے۔په دې اړه په سوشل مېډيا افواګانې خپرولې شي۔ده ووئيل د وفاقي كابينې په غونډه كښې په انتخابي اصلاحات هم خبرې شوي ۔د كابينې كومه داسې غونډه نشته چې پكښې په انتخابي اصلاحات خبرې نه وي شوې۔ده ووئيل د كابينې په غونډه كښې د اسټېبلشمنټ ډويژن په بېلا بېلو وزارتونو او د دې وزارتونو په نګرانۍ كښې په سركاري كمپنو كښې د سي اي اوز او د منيجنګ ډائرېكټرز د خالي چوكو په اړه بريفنګ وركړے شو ۔كابينې هدايت وكړو چې د ټاكنې طريقه كار په بشپړه توګه سپيځلے او د مېرټ له مخې پكار دے۔د اطلاعات وفاقي وزير ووئيل حكومت چې تر اوسه په كومو چوكو خلك په ځاې كړي هغه ټول په مېرټ شوي او تراوسه په دې كښې يوه ټاكنه هم په عدالت كښې نه ده چېلنج كړې شوې۔وفاقي وزير ووئيل وفاقي كابينې د پيمرا كونسل آف كمپلينټس اسلام آباد د تشكيل نو او د سيد محمد علي بخاري د چيئرمېن ټاكنې منظوري وركړې ۔په كونسل كښې به درې مېرمنې غړې هم شاملې وي۔په دې غړو كښې مظهر برلاس٬نعيم خان٬نګهت سعيد٬بتول زين او طلعت عظيم شامل دي۔كابينې د افغانستان څخه پاكستان ته راتلونكو وګړو لپاره د پاكستان په ويزه لګولے شوے د ويزې فيس ختمولو منظوري وركړې۔په افغانستان كښې په معاشي لحاظ داسې صورتحال دے چې په افغان وګړو د ويزې فيس لګول مناسب نه دي۔كابينې د وفاقي حكومت تر انتظام لاندې په سركاري مېډيكل او ډينټل كالجونو كښې په مېرټ داخلې لپاره د معيار او ضابطه كار منظوري هم وركړې۔وفاقي وزير ووئيل كابينې د افغانستان د سوداګرو آسانې لپاره افغان تاجران د پاكستان بزنس ويزه فهرست كښې د شاملولو منظوري وركړې۔د افغانستان څخه د ټركونو تګ راتګ زيات شوے ۔مونږ د افغانستان د خلكو د ليګل انټري ډاډګيرنه كول غواړو٬مونږ غواړو چې غېر قانوني داخله ختمه شي او ځكه مونږ قانوني طريقه كار آسانوؤ۔د اطلاعات وفاقي وزير ووئيل تېره شپه د وزيراعظم عمران خان او سرلښكر ترمينځه اوږده ناسته شوې٬د عسكري او سياسي مشرتابه ترمينځه نزدې او ښه تعلق قائم دے۔د يوې پوښتنې په ځواب كښې ده ووئيل شوكت ترين آئي اېم اېف سره مذاكرات كوي٬ترڅو چې د دې خبرې تعلق دے چې هغه به د سېنېټ په ټاكنو كښې برخه اخلي٬په دې خبره شوې٬تر هغه وخت به هغه په آئين او قانوني توګه خپل كار جاري ساتي
د وزيراعظم دفتر به كوم هم داسې ګام پورته نه كړي چې ورسره د پاك پوځ او سپه سالار په عزت كښې كمے راشي او نه به عسكري مشرتابه داسې وكړي چې ورسره جمهوري نظام ته زيان ورسي۔د ډي جي آئي اېس آئي ټاكنې لپاره به آئيني طريقه كار اختيارولې شي۔چوهدري فواد حسېن
مضمون کا ماخذ : میگا ملینز کی پیشن گوئی
متعلقہ مضامین
