اسلام آباد۔8ستمبر(ا?? پی پی) وزیراعظم محمد شہباز شریف ملک توں پولیو مکاوݨ سانڳے خصوصی پولیو مہم دا آغاز کر ݙتا۔وزیراعظم آفس دے میڈیا ونگ توں جاری بیان موجب وزیرِ اعظم ملک دے 115 ضلعیں اچ ??ولیو مہم دا آغاز کرݙتے جیں اچ ??نج سال توں نکی عمر دے ترائے کروڑ ٻالاں کوں ایں موذی مرض توں بچاݨ دی ویکسین ݙتی ویسی ۔9 توں 15 ستمبر تئیں ایں خصوصی مہم دے تحت 2 لکھ 86 ہزار پولیو ورکرز گھر گھر وںڄ تے ٻالاں کوں پولیو توں بچاوݨ دے قطرے پلیسن
۔وزیراعظم محمد شہباز شریف انسداد پولیو مہم دے افتتاح دے موقع ت?? آکھیے پاکستان توں پولیو جیھے موذی مرض مکاوݨ سانڳے حکومت نال تعاون کرݨ آلے شراکت داراں تے دوست بین الاقوامی تنظیماں دے شکرگزار ہیسے۔ انہاں آکھیے میں امید کرینداں وفاقی حکومت صوبائی حکومتاں تے شراکت داراں نال رل تے پولیو ملک توں منڈھوں مکاوݨ اچ کامیاب تھی ویسن ،انشاء اللہ پولیو دے پاکستان توں منڈھوں مکݨ تئیں ساݙیاں کوششاں ضرور رنگ گھن آسن ۔ وزیرِاعظم آکھیے وفاقی و صوبائی عہدیداراں، پولیو ورکرز، سیکیورٹی اہلکار، ساریں دی انسداد پولیو سانڳے کوششاں کوں خراجِ تحسین پیش کریندوں،والدین توں گزارش اے جو آپݨے پنج سال توں گھٹ عمر دے ٻالاں کوں ساری عمر دی معذوری توں بچاوݨ سانڳے پولیو ویکسین دے قطرے ضرور پلاون ،اپݨے ٻالاں دے محفوظ مستقبل سانڳے انسداد پولیو دیاں ٹیماں نال بھرپور تعاون کرن۔وزیرِ اعظم ایں موقع ت?? ٻالاں کوں انسداد پولیو دے قطرے وی پلائے۔تقریب اچ ??زیرِ اعظم دے کوارڈینیٹر صحت ڈاکٹر مختاراحمد بھرتھ، انسدادِ پولیو سانڳے وزیرِ اعظم دی نمائندہِ خصوصی عائشہ رضا فاروق، ورلڈ ہیلتھ آرگنائزیشن، یونیسیف، گیٹس فائونڈیشن اتے اقوام متحدہ دے نمائندیں دے نال متعلقہ اعلی حکام وی شرکت کیتی
